الدلوعه
07-15-2008, 10:46 PM
كان فى السابق الزوج هو سى السيد فى البيت وكان لذلك أسبابه وهى أن الزوجه تتعب بجد فى بيتها من غسيل المواعين ومسح الشقه او البيت الكبير وكانت الشقه اكبر واوسع من الشقق الحاليه وكانت تمسح بالخيشه والجردل وتذهب للسوق لاحضار الخضار وتطبخه على وابور جاز وتغسل الهدوم وتراعى الاولاد دون شكوى ولم يكن عندها وقت للفسحه كما هو الحال فى هذه الايام وكان الزوج هو كل حياتها والزوجه اخر النهار تكون متعبه وليس فى دماغها تليفزيون او فيديو لانه ببساطه لم تكن هذه الاشياء موجوده من الاصل ولذلك كان الزوج سى السيد ومع التطور التكنولوجى وحدوث التطور فى صناعه الغسالت الفول اوتوماتيك والمراوح بالريموت والتليفزيون بالريموت والمكانس الكهربيه ووجود المسلسلات والافلام فى التليفزيون والتى اجتذبت الزوجات للجلوس امام التليفزيون بالساعات أصيبت الزوجات بالملل وأصبحن كشجرات الجميز وأصيبت الزوجات مع الانتشار التكنولوجى بالفراغ وهذا جعلهن عصبيات وانعكس ذلك على الزوج الغلبان الشقيان وفى احد الايام فكرت المدام فى فكره جهنميه واتفقت مع شركه برمجيات الكترونيه على اعداد شريحه الكترونيه توضع فى مخ الزوج وتدار بالريموت كنترول بحيث تضغط الزوجه على الزر رق1يقوم الزوج بمسح الشقه..الزر رقم2يذهب الزوج للسوق لشراء الخضار ..الزر الثالث يعد الطعام والرابع يقدم الطعام والخامس يغسل الهوم والسادس ينشر الهدوم حتى تستريح الزوجه من المعاناه اليوميه..وعاد الزوج فى يوم الى المنزل ففوجىء بالمدام تقول تعالى يا فالح انت قطعت قلبى روح شغل الغساله..انشر.اطبخ وكل يوم على كده ما أنت مبقتش تفهم من نفسك ايه اللى انا محتاجاه وتعمله من غير ما أقولك لذلك أنا حاخدك المستشفى دلوقتى فقال:خير أنا صاغ سليم والحمدلله ولا أشتكى من حاجه عارفه يا فالح أمال هاروح المستشفى ليه!قالت المدام ..انا هركب ليك شريحه الكترونيه فى مخك وأشغلك بالريموت كنترول عشان خلاص مابقاش فيا نفس افضل اقولك روح وتعالى استغرب الزوج و قال انتى بتقولى ايه أبقى انسان الى هو ده اللى مش ممكن ابدا !شخطت فيا المدام شخطه واستسلمت لامر المدام وذهبت للمستشفى مجبرا وسلمت امرى لله وفى المستشفى دخلوا فى مخى الشريحه الالكترونيه وخرج منجبهتى لمبه بزجاج لاتصالها بالشريحه وعندما تستخدم الزوجه الريموت كنترول أصبحت وسيله سهله فى يد المدام..كلما تريد وظيفه معينه تضغط على الزر بتاع الوظيفه فتجدنى أستجيب فورا..وفى الليل توقفنى المدام أمام كوبس الكهرباء لشحن بطاريه الشريحه الالكترونيه وفى احدى المرات والمدام جالسه أمام التليفزيون وعماله تتسلى بالفول السودانى واللب والفيشار وبجوارها 10ريموت كنترول ندهت على المدام عن طريق الزر رقم 11 فجئت على الفور وقالت لى انت ليه مش بتقولى كلام غزل وحب انت جرى ليك ايه ..فقلت اسف هذه الوظيفه ليست فى الشريحه الالكترونيه!..قالت لا دى شغلانه مش عايزه شريحه ولا ريموت ..طب بلاش دى احنا عايزين نخلف..قلت أسف برضه دى مش فى الشريحه!
أحمرت عينا المدام وقالت لاشريحه ولا زفت..انت كل حاجه بتهرب منها ومش عايز تعملها تقول مش فى الشريحه..فين يا راجل رجولتك..قلت ضاعت من يوم ما ركبت الشريحه!
وأتغاظت المدام..وضربيتنى بالريموت كنترول الذى فى يدها وفتحت دماغى وحدث ماس كهربى فى الشريحه ..ومن بعدها كلما تضغط على زرار احدى الوظائف لا أستجيب وهنا طلبت المدام الشركه الالكترونيه..وقصت عليهم ما حدث فأبلغوها قائلين...نأسف يا مدام جوزك هنج!
أحمرت عينا المدام وقالت لاشريحه ولا زفت..انت كل حاجه بتهرب منها ومش عايز تعملها تقول مش فى الشريحه..فين يا راجل رجولتك..قلت ضاعت من يوم ما ركبت الشريحه!
وأتغاظت المدام..وضربيتنى بالريموت كنترول الذى فى يدها وفتحت دماغى وحدث ماس كهربى فى الشريحه ..ومن بعدها كلما تضغط على زرار احدى الوظائف لا أستجيب وهنا طلبت المدام الشركه الالكترونيه..وقصت عليهم ما حدث فأبلغوها قائلين...نأسف يا مدام جوزك هنج!